Nëse Hillary Clinton fiton zgjedhjet presidenciale këtë herë, ajo do të konsiderohet si presidentja e parë femër në të gjithë historinë e Shteteve të Bashkuara. Por në fakt ajo nuk është femra e parë kandidate që konkurron për zgjedhjet. Përpara Hillary-t ka pasur të paktën edhe 12 femra të tjera që kanë garuar për presidente të Shteteve të Bashkura. /tesheshi.com/
Jessie Benton Fremont 1856. Ajo në fakt nuk kandidoi, por burri i saj. Megjithatë, ashtu si për Hillary Clinton, shumë thanë se ajo do të kishte qenë një kandidate shumë herë më e fortë se burri i saj. Prandaj dhe vendosëm ta fusim në listë.
Victoria Woodhull (1872). Ajo ishte femra e parë që kandidoi për presidente të SHBA-ve. Ajo ishte kandidate e Partisë për të Drejta të Barabarta.
Belva Ann Lockwood (1884). Gazetat në atë kohë e patën sulmuar me ofendime, fatkeqësisht jo shumë ndryshe nga ajo që bën sot FOX News kundër Hillary Clinton-it.
Gracie Allen (1940). Kandidatura e saj në fakt mund të kishte më shumë gjëra të përbashkëta me Trumpin se sa me Clinton-in. Ajo ishte një përsonazh televiziv i njohur, aktore dhe komediane.
Margaret Chase Smith (1964). Ajo kandidoi kundër Barry Goldwater duke u bërë femra e parë që arriti të merrte më shumë se një votë në një konvetë të madhe partie. Në fakt ajo fitoi vetëm 27 vota nga 1,308. Ajo humbi në çdo zgjedhje primare. Por arriti të fitonte disa kryetituj pozitiv kur fitoi mbi 25 për qind në shtetin e Illinoisit.
Shirley Chisholm (1972). Ajo ishte femra e parë me ngjyrë që u zgjodh në Kongresin amerikan. Po atë vit ajo lajmëroi kandidaturën e saj për presidente si pjesë e Partisë Demokratike.
Patsy Matsu Takemoto Mink (1972). Ajo u bë femra e parë e zgjedhur në Kongres për shtetin e Hawaiit, si dhe femra e parë e zgjedhur nga një minoritet etnik. Ajo garoi si pjesë e Partisë Demokratike, por shpejt u tërhoq dhe u vu në krah të kandidatit demokrat George McGovern.
Linda Jenness (1972). Në këtë vit garoi edhe zonja Kanness, si pjesë e Partisë Punëtore Socialiste. Ajo arriti 80 mijë vota, por u skualifikua pasi nuk plotësonte moshën 35 vjeç sipas ligjit për t’u zgjedhur për presidente.
Pat Schroeder (1988). Ajo garoi për një kohë të shkurtër në fakt. Por do të mbahet mend për fjalimin e saj të vitit 1987 kur me plot emocione lajmëronte tërheqjen e saj, duke deklaruar se nuk kishte arritur të gjente një mënyrë si të kandidonte pa u ndarë nga njerëzit të cilëve duhet t’u shërbente.
Elizabeth Dole (2000). Ajo është gruaja e kandidatit për president dhe zëvendës president Bob Dole. Kishte një karrierë politike mbreslënëse. Ajo garoi në vitin 2000 si kandidate e Republikanëve por u tëhoq menjëherë nga gara, kryesisht për shkak të fondeve të pamjaftueshme për të financuar fushatën.
Carol Moseley Braun (2004). Nëse Whille Shirley Chisholm ishte femra e parë afro-amerikane e zgjedhur në Kongres, Carol Moseley Braun (2004) ishte femra e parë me ngjyrë e zgjedhur në Senatin amerikan. Ajo tentoi në vitin 2004 të kandidonte për presidente, por nuk arriti të kapte momentumin dhe pati probleme me financimin e fushatës.
