Auto Dak
Auto Dak

PROPOZIMI/ Franca e “Jo”-së së zhurmshme: ja kur do u thonim “Po” negociatave

Franca i kërkon Komisionit Evropian që të publikojë një metodologji të re të negociatave me vendet kandidate deri në janar të vitit 2020, raporton Radio Free Europe.

Në një dokument, Parisi pretendon se shndërrimet politike, ekonomike dhe sociale të kërkuara për pranimin e ardhshëm në Bashkimin Evropian janë “shumë të ngadalta” dhe se përfitimet konkrete për qytetarët në vendet kandidate janë të pamjaftueshme”.

Gjithashtu, në dokument thuhet se “sapo të fillojnë negociatat, procesi nuk do të bazohej në hapjen e kapitujve të rinj, por në disa faza të njëpasnjëshme, të cilat do të formojnë blloqe koherente të politikave dhe një skemë të krijuar nga BE, duke u kujdesur për specifikat e secilit kandidat, aty ku është e përshtatshme”.

Parashihet që kalimi nga një fazë në tjetrën do të paraqitej në detaje të mëdha, dhe do të bazohej kryesisht në “përparim të vazhdueshëm, të pakthyeshëm në fushën e sundimit të ligjit”. Vendet kandidate do të duhet të adaptojnë kapacitetet institucionale dhe administrative për nevojën e pjesëmarrjes efektive në politika të ndryshme. Aderimi përfundimtar do të vendoset në bazë të përmbushjes së qëllimeve të prekshme të konvergjencës ekonomike dhe sociale.

Gjithashtu thuhet në një dokument se “qëllimi përfundimtar do të ishte anëtarësimi i plotë”, dhe se i gjithë procesi duhet të jetë “më gradual dhe më nxitës”.

Franca gjithashtu parashikon ndihmë shtesë financiare në procesin e para-anëtarësimit të vendeve të Ballkanit Perëndimor, që do të thotë më shumë instrumente para pranimit, por edhe hyrjen në fondet strukturore tani të rezervuara vetëm për vendet anëtare të BE-së.

Kërkesa kryesore e Parisit është të përfshijë parimin e kthyeshmërisë për të siguruar besueshmëri dhe natyrën nxitëse të procesit.

Parisi e konsideron atë parim të nevojshëm për të zgjidhur situatat në të cilat një vend kandidat plotëson pjesërisht ose jo disa kritere ose nëse ai ndalon zbatimin e angazhimeve të tij.

Në këtë rast, sipas dokumentit francez, përgjigja e BE-së do të ishte graduale dhe proporcionale me madhësinë dhe seriozitetin e mbikëqyrjes, dhe do të shkonte nga pezullimi i ndihmës financiare deri në pezullimin e përgjithshëm, nëse vlerat thelbësore të BE-së do të viheshin në dyshim.

Parisi konfirmon “mbështetje pa ekuivoke” për perspektivën evropiane të vendeve të Ballkanit Perëndimor dhe deklaron se i gjithë rajoni i përket Evropës në funksion të historisë, kulturës dhe gjeografisë.

“Lidhjet më të ngushta me Bashkimin Evropian janë mënyra e vetme që këto vende të konsolidohen, bazuar në shtetin e së drejtës dhe shoqëritë e hapura dhe pluraliste, që merren me zhvillimin e tyre ekonomik dhe shoqëror”, thuhet në dokumentin francez.

Franca ka theksuar në mënyrë të përsëritur nevojën për të ndryshuar qasjen e saj në negociatat e anëtarësimit në BE dhe për të kushtëzuar hapjen e negociatave të reja duke ndryshuar metodologjinë e pranimit. Kjo ishte edhe arsyeja pse Franca bllokoi hapjen e negociatave të pranimit me Maqedoninë e Veriut dhe Shqipërinë në Samitin e BE në tetor. /tesheshi.com/

auto pjese dak

Related posts