Auto Dak
Auto Dak

Llalla: ambasadori Lu, shantazh Prokurorisë me një sjellje sorosiane

Prokuroria e Përgjithshme ndaj deklaratës së ambasadorit amerikan në Tiranë, Donald Lu se kryeprokurori Llalla është kundër reformës në Drejtësi, ka gjetur reagim të ashpër nga institucioni i akuzës. Në një konferencë urgjente, përmes shefes së kabinetit, Llalla e ka quajtur kërcënim deklaratën e Lu-së ndaj institucionit të akuzës, dhe një veprim aspak diplomatik.

Ambasadori i SHBA ka revokuar vizën një sërë prokurorësh, përfshi këtu dhe vetë Llallën për të cilën janë informuar edhe krerët e shtetit. Këtë veprim, Llalla e cilëson shantazh, por i kujton Lu-së prokurorët nuk kanë nevojë për vizë që të bëjnë detyrën.

Qëndrim aspak diplomatic dhe sorosian, e ka cilësuar ai deklaratën e Lu-së.

“Prokuroria e Përgjithshme i bën të qartë zotit Lu se, nëse është mësuar të jetë zot në ambjentet e politikës shqiptare, këtë nuk mund ta realizojë me institucionin e Prokurorisë. Zoti Lu mendon se ka në dorën e tij fatin e Prokurorisë kur shantazhon institucionin për mbyllje hetimesh apo me heqje vizash. Duhet ta ketë të qartë ai dhe kushdo tjetër që, për të përmbushur detyrimet kushtetuese dhe ligjore, prokurorët e Republikës nuk kanë nevojë për viza”, tha Fjorida Ballauri, drejtoresha e kabinetit e Pokrurorit të Përgjithshëm.

Për Prokurorinë e Përgjithshme reagimi i Donald Lu vjen pasi institucioni i akuzës njoftoi zyrtarisht krerët e lartë të shtetit, Presidentin dhe Kuvendin “mbi presionet dhe shantazhet e vazhdueshme të ambasadorit Lu kundrejt këtij institucioni”. /tesheshi.com/

 

 

 

auto pjese dak

Related posts