Kryeprokurori Adriatik Lalla shkoi në Presidencë për të informuar presidentin Nishani për ato që ai i cilësoi më herët “shantazhe” të ambasadorit amerikan, Donald Lu ndaj tij dhe institucionit që drejton.
Prokurori i Përgjithshëm ka njoftuar edhe zyrtarisht, presidentin si dhe kryetarin e Kuvendit, Ilir Meta se ndodhet në një presion të hapur nga ana e Ambasadës së SHBA-së.
Përmes një letre, të vënë në dispozicion nga zyra e shtypit e prokurorisë, por pa datë, mësohet se kryeprokurori i ka njoftuar presidentin Nishani por dhe Metën për atë që e quan ndërhyrje dhe shantazhim duke anuluar vizat amerikane nga kjo ambasadë.
Ne letër thuhet se anulimi i vizave ka disa arsye, të cilat lidhen me qëndrime dhe përfitime personale të Ambasadorit të SHBA në Tiranë, Donald Lu.
Nga ana tjetër, ambsadori Lu mësohet se zhvillon një takim në kryeministri me shefin e qeverisë shqiptare, Edi Rama. /tesheshi.com/
