Partia qeverisëse e presidentit turk Rexhep Taip Erdogan thotë se do të kërkojë një rivotim të zgjedhjeve në Stamboll, duke përmendur si shkas parregullsitë.
Ali Ihsan Yavuz, nënkryetar i partisë në pushtet, njoftoi vendimin pasi autoritetet më të larta zgjedhore të Turqisë hodhën poshtë një kërkesë për rinumërimin e plotë të votave në zgjedhjet e 31 marsit.
Yavuz ka pohuar se ka pasur “ngjarje dhe situata të rëndësishme” që kanë ndikuar në rezultatin e votimit dhe tha se partia do të përdorte të drejtën për një “apel të jashtëzakonshëm”.
Partia e Drejtësisë dhe Zhvillimit e Erdoganit, ose AKP, pësoi një humbje të konsiderueshme në zgjedhje. Kandidatët e opozitës fituan në kryeqytetin e Turqisë, Ankaranë dhe e qendrën historike të vendit, Stambollin. /tesheshi.com/
