Forcimi i monedhës vendase, frangës ndaj euros, ka bërë që Banka Qendrore e Zvicrës të raportojë për gjashtë muajt e parë të vitit një humbje prej 50 miliardë frangash.
Banka qendrore tha se kjo humbje mund ta bëjë atë të mos paguajë dividentë këtë vit. Dividentët përdoren tradicionalisht për të paguar shërbimet publike.
Zvicra tronditi tregjet në janar kur vendosi të heqë dorë nga kufiri i përcaktuar prej kohësh në shkëmbimet me euron. Kjo lëvizje bëri që franga të rritet shumë ndërsa investitorët grumbulluan këtë monedhë nga frika e një krize të re ne eurozonë.
Forcimi i monedhës po dëmton edhe eksportet që këtë vit kanë rënë me 2.6 për qind. Industria e turizmit raportoi për më pak vizitorë sikundër edhe sektori imobiliar.
Përpara se t’i jepte fund kësaj politike në janar, Zvicra ndërhynte në tregjet e brendshme duke blerë euro për të dobësuar frangën, e cila ishte gjithnjë në të njëjtin nivel shkëmbimi, 1.06 franga për 1 euro. /tesheshi.com/
