Bajram Gecaj, këshilltari i kryeministrit në largim, njëherësh zv.ministër në detyrë i Pushtetit Lokal ka thënë se nëse koalicioni PAN-i arrin të bëjë qeverinë, atëherë ajo që në start do të ngrihej kryekëput mbi një bazë shantazhuese e korruptive.
Gecaj përmes një postimi në Facebook, thotë se shpreson që askush nga koalicioni LAA nuk do t’i bashkëngjitet një “klubi” të tillë “keqbërësish legjitim”.
“Përpjekja e tyre për të siguruar vota me çdo kusht është e tillë që sa më shumë që kalon koha aq më shumë stërkeqet.
Si e tillë, krimin, korrupsionin, shantazhin, reketin…. në një farë mënyre PAN i ‘legjitimon’ duke i ngritur në parime pune e metode.
Kështu për herë të parë do t’u jepte edhe ‘mbulese legale’. Nga një krijesë e tillë askush nuk mund të presë qeverisje me duar të pastra….
Unë sinqerisht dua të besoj dhe të shpresoj që askush nga LDK-AKR-ALTERNATIVE nuk do t’i bashkëngjitet një ‘klubi’ të tillë ‘keqbërësish legjitim’”, shkruan Gecaj. /tesheshi.com/
