Lideri i LSDM-së, Zoran Zaev pas marrjes në pyetje nga Prokuroria Themelore Publike, për një proces parahetimor për gjoja keqpërdorim të mjeteve financiare në fushatë zgjedhore, është shprehur edhe lidhur me zhvillimet e fundit politike, dhe datën eventuale për formimin e qeverisë së re.
“Shpresoj të kemi qeveri më 24 mars. Sa më përket mua, unë shpresoj se qeveri do të formohet nesër. Por kjo nuk varet prej meje. Skenari i vetëm të cilin e pres që të ndodh në përudhën e ardhshme është ai që në Maqedoni të formohet qeveria. Shpresoj që Trajko Velanovski do të dërgoj shkresë deri te Presidenti i vendit dhe do të respektojë afatin prej 10 ditësh”, tha Zaev.
Kujtojmë se sot Oliver Spasovski, deri te Kuvendi në emër të 67 deputetëve dërgoi kërkesë për vazhdimin e seancës konstitutive.
Ndërsa sa i përket marrjes në pyetje nga Prokuroria, Zaev tha se ishte aty që të dëshmojë pafajësinë dhe korrektësinë e partisë së tij.
“U paraqitëm në Prokurorinë themelore Publike për ta dëshmuar pafajësinë tonë. Financat për zgjedhjet janë publikuar dhe ne mund të shërbejmë si shembull i një partie politike si duhet të udhëheq me financat”, tha Zaev, duke shtuar se çdoherë kur Prokuroria Speciale do të hap ndonjë procedurë kundër ndonjë funksionari të pushteti aktual, ai menjëherë bëhet target i Prokurorisë Themelore. /tesheshi.com/
