Kombet e Bashkuara thonë se konfliktet në Lindjen e Mesme po lënë pa shkollë më shumë se 13 milionë fëmijë.
Agjencia për fëmijët e OKB-së, Unicef thotë në një raport se shpresat për një brez të mirëfilltë në Lindjen e Mesme dhe Afrikën e Veriut po shkatërrohen.
Në raport thuhet se në Siri, Irak, Jemen dhe në Libi, pothuajse 9 mijë shkolla kanë dalë jashtë funksionit të tyre të përdorimit për mësimdhënie.
Unicef gjithashtu ka dokumentuar me dhjetëra sulme në shkolla dhe mbi mësuesit në të gjithë rajonin.
Sipas Peter Salama, drejtorit rajonal të Unicef në Lindjen e Mesme dhe në Afrikën Veriore ndikimi shkatërrues i konflikteve po ndjehen nga fëmijët në të gjithë rajonin.
“Nuk është vetëm dëmi fizik në shkolla, por dëshpërimi i ndjerë thellë nga një brez fëmijësh që shohin sesi shpresat dhe e ardhmja e tyre shkatërrohet”.
Numri prej 13.7 milionë fëmijësh që kanë lënë shkollën përfaqëson rreth 40 për qind të fëmijëve në moshë shkollore në Siri, Irak, Jemen, Libi dhe në Sudan dhe OKB druhet se numri mund të rritet deri në 50 për qind në muajt e ardhshëm. /tesheshi.com/
