Zjarrfikësit izraelitë paralajmëruan dje se rrjeti i shërbimit të tyre ishte i dërrmuar për shkak të operacioneve të vazhdueshme në disa pjesë të vendit, ka raportuar Alresalah.
Këtë mëngjes, një zjarr i ri ka kapluar një vendbanim të paligjshëm izraelit të Shilo-së në Bregun e pushtuar Perëndimor. Kjo pasoi një zjarr që shpërtheu në vendbanimin izraelit të Halamish, poashtu në Bregun e pushtuar Perëndimor.
Kreu i Shoqatës Kombëtare të Zjarrfikësve të Izraelit, Avi Ankori, ka thënë dje për Ynet Neës se rrjeti i zjarrfikësve izraelit po dorëzohej.
“Zjarrfikësit janë ndeshur me flakët për pesë ditë tashmë, dhe ata janë në prag të kolapsit,” tha Ankori. Sipas mediave izraelite, ka pasur dëmtime të pronës dhe disa njerëz kanë pësuar dhe dëme të rënda shëndetësore. Ndërkohë, një supertanker Boeing 747 nga Shtetet e Bashkuara mbërriti në Izrael mbrëmjen e djeshme për t’iu bashkuar përpjekjeve izraelite, italiane, kroate, ruse, qipriote, turke dhe palestineze për të shuar zjarrin. /tesheshi.com/
