Kryetari i Grupit Parlamentar të LSI-së, Petrit Vasili, ka ripërsëritur propozimin për shpalljen e gjendjes së jashtëzakonshme për përballimin e situatës së zjarreve në vend, duke marrë si shembull edhe Maqedoninë.
Përmes një komenti në rrjetet sociale, Vasili shkruan se Edi Rama është kryeministër turist, që vjen dhe ikën duke na i lënë Shqipërinë të djegur, por të tjerat do t’I marrë sigurisht për vete dhe me vete.
Sipas tij, Rama po ngopet me pushime, ndërkohë që zjarret po shkretojnë qindar hektarë pyje të çmuara qindravjeçare.
“Maqedonia shpall gjendjen e jashtëzakonshme për shkak të situatës së rëndë me zjarret. Kryeministri turist bën qejf sa ngopet në pushime. Ndërkohe zjarri shkreton qindra ha pyje të çmuara qindravjeçare në Llogora e gjithandej nëpër Shqipëri.
Gjendjen e jashtëzakonshme nuk e shpall kryeministri turist se nuk i dhemb që vendi digjet, ndërsa maqedonasit e duan vendin e tyre.
E kam thënë që kryeministri turist iku dikur, pastaj erdhi dhe përsëri do iki duke na e lënë:
Shqipërinë të djegur të tjerat….do t’i marrë sigurisht me vete dhe për vete….”, shkruan Vasili në rrjetet sociale. /tesheshi.com/
