Lideri i lëvizjes për reforma në PDSH-së Zijadin Sela, u ka bërë thirrje krerëvtë partive politike të shqiptarëve të Maqedonisë që të mblidhen dhe të koordinojnë qëndrimin e të gjithë faktorit shqiptar.
Duke folur në një intervistë me Enkel Demin në “Shih Programin në TVSH, Sela deklaroi se “duhet të mblidhemi e të lidhim një pakt xhëntelmenësh për të rishkruar fatin tonë të përbashkët që të marrim atë që meritojnë.
Në lidhje me atë që ndodhi në Kumanovë, Sela theksoi se djemtë nga Kosova erdhën për të luftuar në Kumanovë për avancimin e çështjes shqiptare në Maqedoni.
“Më shumë 90 për qind e atyre që luftuan, kanë ardhur në Kumanovë nga të njëjtat principe për të cilat ishin të motivuar në luftën e UÇK-së të vitit 2001 në Maqedoni. Sepse realisht të njëjtat padrejtësi ju bëhen shqiptarëve si në vitin 2001, por akoma më keq”, është shprehur ai.
Sela theksoi gjithashtu se, në këtë konflikt ka pasur edhe elemente manipulimi nga shërbimet sekrete. “Por patjetër se duhet të ketë pasur element manipulimi nga shërbimet sekrete. Por kuptohet shërbime sekrete që kanë folur gjuhën shqipe. Kjo është formë e keqe e veprimit të shërbimeve sekrete” ka theksuar Sela për RTSH, transmeton agjencia e lajmeve INA.
Sipas tij, aksioni i policisë maqedonase në Kumanovë ishte akt terrorist, sepse u gjuajt mbi një lagje të banuar me popullatë civile.
“Atje u dëmtuar prona e qytetarëve, por për fat të mirë nuk ka pasur viktima. Jo se këtë nuk e donte policia maqedonase, por ishte një fat në fatkeqësi”, është shprehur ai.
Ai shprehu habinë se si është e mundur që pas gjithë këtyre padrejtësive dhe terrorit nda popullit shqiptar në Maqedoni, Ali Ahmeti akoma qëndron në Qeveri. Sela akuzoi edhe kreun e PDSH-së, Menduh Thaçin si pjesë të regjimit të Nikolla Gruevskit.
