Një avion i kompanisë ajrore EgyptAir, me 66 persona në të, e që po fluturonte nga Parisi për në Kajro, është zhdukur nga radari në orët e para të ditës së sotme.
Vetë kompania ajrore e ka pohuar se fluturimi 804 është zhdukur. Avioni është nisur nga aeroporti Charles De Gaulle në Paris, me 56 udhëtarë e 10 anëtarë të ekuipazhit.
Tre prej udhëtarëve janë fëmijë, nga të cilët njëri është foshnje. 30 nga udhëtarët janë egjiptianë, 15 janë francezë, e po ashtu ka dhe të kombësive të ndryshme.
Airbus-i A320 është zhdukur 16 kilometra pas hyrje në hapësirën ajrore egjiptiane, mbi ujërat e Mesdheut.
Egjipti, por edhe Greqia, kanë nisur kërkimet detare për të gjetur avionin e humbur.
Një prej gazetave kryesore egjiptiane ka cituar një zyrtar të aeroportit të ketë deklaruar se kontakti i fundit me avionin ka qenë dhjetë minuta para zhdukjes, e se nuk ka patur asnjë sinjal shqetësues.
Ky është incidenti i dytë brenda këtij viti i avionëve të kompanisë EgyptAir. Një i tillë u rrëmbye në mars dhe u ul në Qipro. Gjithçka do të përfundonte mirë më pas, me dorëzimin e rrëmbyesit dhe me lirimin e udhëtarëve. /tesheshi.com/
