Kryeministri Rama përjashtoi një mbyllje të dytë të vendit, paçka rritjes së numrave të të infektuarve.
Në një dalje para medias për tjetër çështje, atë të Zgjedhores, Rama tha se “një mbyllje tjetër e Shqipërisë është diçka me përmasa jashtëzakonisht kritike për të gjithë”.
“Një kontroll i rregullave në hapje me polici dhe me ushtri për çdo qytetar është i pamundur. Rritja e numrave ndodh në të gjitha vendet që hapen dhe është çdo qytetar që duhet të marrë përgjegjësinë e vet. Ne po bëjmë çmos sa na takon, por unë nuk mendoj që ne duhet t’i kthehemi mbylljes.
Mbyllja e parë ishte e duhur për t’u përgatitur, por tani jemi të përgatitur për ta përballuar në frontin e shëndetit këtë rritje numrash. Por nëse duam të ruajmë këtë trend dhe duam të minimizojmë pasojat, çdo kush duhet të marrë përgjegjësinë e vet. Të tjerat janë llafe. Ky është thelbi”, theksoi i parii qeverisë.
Sa i përket Zgjedhores, Rama ra dakort për lista të hapura, siç e kërkon opozita parlamentare, ama pa kolalicione parazgjedhore.
“Patjetër që listat e hapura e bëjnë të pamundur formulën aktuale të koalicioenve, se i bie që të kemi në një fletë votimi, llogariteni, artimetikisht, 40 parti këtej dhe 40 andej, nga 35 kandidatë në Tiranë, një fletë votimi që do të ishte një qilim nga universiteti deri te monumenti i Skënderbeut”, theksoi shefi i qeverisë. /tesheshi.com/
