Angela Merkel duket se është në rrugën e mandatit të katërt si kancelare, por ajo nuk mund të qeverisë e vetme, çka do të thotë se i duhet të krijojë një koalicion.
Por cili do të jetë koalicioni që do të udhëheqë Gjermaninë?
Bashkëqeverisja mes CDU/CSU me Socialdemokratët është zgjidhja më e lehtë, por mospëlqimet për një qeverisje me bazë të gjerë janë rritur ndjeshëm.
Në kushte të tilla një mundësi është koalicioni i Unionit me Të Gjelbrit dhe Liberalët.
Rezultatet e para tregojnë se CDU nuk morri rezultatin e pritur, ndërsa socialdemokratët kanë pësuar rënie.
Sipas informacioneve të Infratest-Dimap, rezultatet e para, tregojnë se CDU nuk e arriti rezultatin që priste.
Në sondazhet parazgjedhore unioni CDU/CSU parashikohej në kuotën e 37 %, por nga rezultatet e para ai arrin në vetëm 32.6 %. CDU merr 26,6% e votave, ndërsa CSU-ja 6%.
Krahasuar me zgjedhjet e kaluara ky rezultat është një goditje për partinë e kancelares Angela Merkel.
Socialdemokratët arrijnë në 20,5%, me një rënie 5% krahasuar me zgjedhjet e vitit 2013.
Ndërkohë që me 13% të votave, renditet Alternativa për Gjermaninë, e konsideruar si parti e protestës që shfrytëzon frikën e gjermanëve nga refugjatët dhe globalizmi.
Nënkryetarja e kësaj partie, Manuela Schëesig u shpreh për ZDF, se SPD-ja do të kalojë në opozitë.
Parti që mund të quhet fituese e këtyre zgjedhjeve është partia liberale, FDP, e cila në këto zgjedhje ka kapur kuotën e 10.5 %, ndërsa që në 2013-ën arriti të mbledhë më pak se 5 %.
E Majta kap vetëm 8,9% të votave ndërkohë që të Gjelbrit arrijnë një përmirësim të lehtë me 9,4%, krahasuar me rezultatin e zgjedhjeve të kaluara, 8,5%. /tesheshi.com/
