Opozita pritet të mbajë të mërkurën e ardhshme mbledhjen finale me aleatët për të përfuduar marrëveshjen që do të formojë koalicionin përfundimtar për zgjedhjet e 21 qershorit. Edhe pse vendimi përfudimtar për aleatët do të merret në tryezë pas mbledhjes së kryesisë së PD-së, tashmë janë ndarë emrat kryesor të opozitës për 61 bashkitë e vendit. Vetëm Durrësi është “nyja gordiane”, pasi drejtuesit e selise blu i mbajnë sekret në mënyrë që ta surprizojnë kundërshtarin. Bëhet fjalë për një emër mjaft të njohur që përfaqëson denjësisht Durrësin, i cili nuk vjen direkt nga politika por nga biznesi dhe shoqëria.
Ndërkaq, për qytetin e Tiranës, thuajse të gjithë faktorët brenda opozitës janë dakord që si candidate të garojë Jorida Tabaku, deputete aktuale dhe ish-nënkryetarja e bashkisë. Një nga emrat më të pagoditshëm nga kundërshtarët politik. Ekonomiste me profesion, e doktoruar, dhe me një reputacion të paprekur.
Për bashkinë e Shkodrës, PD ka një kandidat gjithashtu të fortë, sidomos në qytetin e madh verior. Bëhet fjalë për Sokol Ramadanin, ish-drejtorin e ERE dhe OST, i cili është një nga figurat me mjaft popullaritet dhe menaxher i sukseshshëm.
Për bashkinë e Elbasanit, gjithashtu janë në garë dy emra të njohur për reputacionin e paprekur dhe integritet. Bëhet fjalë për dy politikanë që vijnë nga katedrat e Universitetit “Aleksandër Xhuvani”, por dhe politikanë të sprovuar; ish-nënkryetari i Kuvndit Ardian turku dhe deputeti Luçiano Boçi. Ky i fundit është figurë :fringo” e re dhe i pakonsumuar. Kurse Turku e ka në shpinë një mandate si kryetar i bashkisë së Elbasanit.
Korça mbetet sërish enigmë por edhe këty mësohet se do të ketë surprizë. Nga selia blu, mësohet se opozita kësaj radhe nuk do të kërkojë njeriun që do të përfaqësojë të djathtën nga komuniteti ortodoks siç ka bërë gjithnjë, por do të zgjedhë jë musliman, ngaqë asnjëherë Korça nuk e ka pasur një të tillë dhe ka ngjallur pakënaqësi.
(tesheshi.com)
