Pas afro dy vitesh, që nga zgjedhja e tij në krye të Shtëpisë së Bardhë, presidenti Trump emëroi më në fund ambasadorin në Arabinë Saudite. Ai është jo një diplomat por një ushtarak.
Bëhet fjalë për John Abaizaid, një ish-komandant i Komandës Qendrore amerikane në Irak, me gradën gjeneral major me katër yje.
Tashmë, emërimi i tij duhet të kalojë në Senat.
Ky emërim vjen në një moment të vështirë për Riadin pas vrasjes së gazetarit Jamal Khashoggi, i cili për më tepër shkruante dhe në Ëashington Post. Po ashtu, është një moment delikat dhe për raportet mes dy vendeve.
Shtëpia e Bardhë është në aleancë me Familjen Mbretërore saudite dhe ka preferuar që rastin Khashoggi të mos e ndërfusë në interesat dypalëshe.
Madje një ditë më parë, Këshilltari i Shtëpisë së Bardhë për Sigurinë Kombëtare, John Bolton tha se ai beson që pamjet lidhur me vrasjen Khashoggi, në pronësi të shërbimit të inteligjencës turke, nuk përbënin ndonjë provë për përfshirjen e mundshme të Princi i Kurorës Mohammed bin Salman në këtë ngjarje. /tesheshi.com/
