Ngritja e një mocioni të mosbesimit për qeverinë “Haradinaj” e paralajmëruar nga LDK-ja e Isa Mustafës e cila u rrëzua në formë të njejtë, nga partia e Ramushit, nuk po i brengos fare pozitën, ndërsa edhe analistët janë skeptik se do realizohet qëllimi i opozitës.nuk do të ketë sukses, sipas partitive që janë në pushtet.
Rasim Selmanaj, deputet i AAK-së thotë se iniciativa të tilla nuk janë aspak serioze nga opozita, ndërsa paralajmërimet e tilla i quan kryekëput në frymën e fushatës zgjedhore të 19 nëntorit.
“Këto iniciativa janë kryesisht në frymën e fushatës zgjedhore, e sidomos tani para balotazhit, sesa që është një iniciativë serioze. Sidoqoftë, e drejta për mocion ekziston dhe mund ta provojnë kur të dëshirojnë partitë opozitare. Por, qeveria Haradinaj po vazhdon të punojë mirë dhe është e qëndrueshme sa i përket numrave në kuvend”, thotë Selmanaj për “Radio Kosovën”.
Kurse Nezir Kraki, ligjërues i shkencave politike në Universitetin e Parisit thotë se qeveria aktuale duhet të kryejë shumë procese, dhe rrëzimi i saj do të krijonte një cikël të ri bllokade të paktën edhe për dy vite të tjera.
“Të gjitha vonesat që janë shkaktuar gjatë qeverisjes së Isa Mustafës, siç është ratifikimi i demarkacionit, ngecja e bisedimeve me Serbinë, ngecja totale me serbët e veriut dhe të gjitha këto dosje të mëdha që na kanë bllokuar në Kosovës, do të futen në një cikël të ri bllokimi për ndoshta një vit apo dy vite. Tani për tani nuk e ka asnjë interes as LDK e as Kosova në përgjithësi që të shkohet në zgjedhje menjëherë”, thotë Kraki. /tesheshi.com/
