Duke dërguar mesazhin se nuk tërhiqet, menjëherë pas fjalimit të homologut të tij rus, presidenti ukrainas Volodymyr Zelensky njoftoi se territoret e aneksuara nga Rusia do t’i kthehen vendit të tij, në reagimin e parë pas ceremonisë në Kremlin.
“Ne e kemi situatën nën kontroll”, tha Zelensky në Telegram pas përfundimit të një takimi me zyrtarët më të lartë ushtarakë dhe të sigurisë të Ukrainës. “Gjithçka do të jetë Ukraina”, shtoi ai.
Zelensky theksoi se zyrtarët dëgjuan raporte nga vija e frontit, “konsideruan një plan të mëtejshëm për çlirimin e territoreve tona”, analizuan “veprimet e mundshme të armikut në të ardhmen e afërt” dhe diskutuan infrastrukturën logjistike për furnizimin e trupave me armë dhe municion. /tesheshi.com/
