Zelanda e Re ka eleminuar epideminë e virusit koronar dhe do të shfuqizojë të gjitha masat përveç atyre që janë në kufij, duke e bërë këtë vend të Paqësorit të Jugut një nga të parët në botë që e bëri këtë.
Qeveria do të heqë masat e distancës fizike në mesnatë dhe do të kalojë nga niveli 2 i gjendjes së jashtëzakonshme në nivelin 1, tha kryeministrja Jacinda Ardern.
Ngjarjet publike dhe private, dyqanet dhe restorantet dhe transporti i plotë publik tani mund të funksionojnë normalisht, pa respektuar distancimin fizik që është në fuqi në shumicën e vendeve të botës.
“Derisa të mbarojë, ne nuk mund të themi se është arritur. Kështu që unë mund të përfundoj me një të thjeshtë: Faleminderit, Zelanda e Re!”, theksoi Ardern.
“Ne jemi të sigurt se kemi eliminuar transmetimin e virusit në Zelandën e Re tani, por duhet të jetë një përpjekje e vazhdueshme,” shtoi ajo.
Nuk ka raste aktive në Zelandën e Re për herë të parë që nga shkurti, tha Ministria e Shëndetësisë.
Në Zelandën e Re, u regjistruan 1.154 raste infeksionit dhe 22 jetëhumbje. /tesheshi.com/
