Nga Bekim Laçi
Ka mbërritur në Maqedoni raporti i ekspertëve të Brukselit dhe tani u mbetet liderëve politik ta lexojnë para takimit të radhës ku do të diskutohen rekomandimet e tyre.
Raporti, sipas një marrëveshje me Brukselin po mbahet në fshehtësi të rreptë, dhe të vetmet detaje që dihen, janë ato se raporti pasqyron situatën në gjyqësor, media, proceset zgjedhore dhe shërbimet e sigurisë në vend.
Burime diplomatike bëjnë të ditur se në raport konstatohet se gjyqësori i politizuar e i ndarë sipas partive, ka lëshime të mëdha në disa procedura duke përfshirë edhe rastin “Puç”, çështjen “përgjimi” dhe funksionimin selektiv të Prokurorisë Publike, ndërsa sa i përket medias, diplomatët informojnë se nevoitet shërbim publik profesional, i bilancuar dhe objektiv.
Lidhur me procesin zgjedhor janë inkorporuar të gjitha vërejtjet e OSBE / ODIHR-it , sidomos nevoja për të ndarë partinë nga shteti, ndërsa sa i përket listës të zgjedhësve qëndron vërejtja se në shtet me 2 milion banorë, sipas regjistrimit të fundit, ka gati 1 milion e 800 mijë votues gjë e cila lë për tu habitur.
Ekspertët të cilët e kanë përpiluar raportin janë udhëhequr nga ish-Prokurori i Irlandës dhe ish-kreu i departamentit për luftën kundër mafias në Italisë, Reinhard Priebe.
Ndërkohë, kryetari i LSDM-së, Zoran Zaev, njoftoi për mbajtjen e një takimi të liderëve politik, i cili sipas tij duhet të ndodhë sot, edhe pse këto pohime të tij nuk janë konfirmuar akoma nga treshja tjetër politike, Gruevski, Ahmeti, Thaçi.
“Nesër në orën 13.30 kemi takim përfaqësuesit e katër partive së bashku me dy ambasadorët e BE-së dhe SHBA-së” i tha Zaev mbrëmë televizionit “24vesti”.
/tesheshi.com/
