Ajsbergu që në vitin 1912 fundosi anijen Titanik duke shkaktuar historinë e shënuar në histori si ndër më e madhja, notonte në ujërat e oqeanit prej mbi 100 mijë vjetësh. Ata që kanë llogaritur moshën e ajsbergut janë një grup shkencëtarësh anglez, të cilët kanë bërë të ditur lajmin në Sunday Times.
Rezultatet e studimit do të detajohen gjatë Cambridge Science Festival, i cili nis nesër. Sunday Times ka publikuar para kohe disa të dhëna bazë. Kërkuesit kanë arritur të përcaktojnë moshën dhe lëvizjen e copës së akullit në bazë të hulumtimeve dhe analizave të bëra gjatë vitit 1912 si dhe në vitet e mëpasshme.
Mendohet se ajsbergu famëkeq është një copë e madhe akulli e shkëputur nga Groelnanda dhe që ka rrëshqitur në oqean mbi 100 mijë vite më parë.
“Kemi realizuar një model matematik në kompjuter duke llogaritur thyerjet e ajsbergut gjatë viteve.”, – shpjegon koordinatori Grant Bigg, i Universitetit të Sheffield.
Ai ka shtuar: “Si referim kemi marrë në vëzhgim ato që dimë në lidhje me rrymat oqeanike dhe i kemi integruar me të dhënat e motit të atij viti, të llogaritura në bazë të erërave që kanë fryrë. Falë këtyre teknikave kemi arritur në përfundimin se ajsbergu vjen nga zonat e Qassimiut, në gjirin e Groenlandës. /tesheshi.com/
