Ekziston një bimë mesdhetare, e cila vret qelizat malinje të tumorit në tru. Një studim i kërkuesve në Seconda Università të Napolit, ka treguar se ekstrakti i bimës “Ruta graveolens L.” është në gjendje të vrasë qelizat e glioblastomës duke mos dëmtuar qelizat e shëndetshme.
“Glioblastoma e shumëfishtë është një tumor në tru tejet agresiv”,- sqaron Luca Colucci d’Amato, docent i patologjisë së përgjithshme në departamentin e shkencave dhe teknologjive ambientale biologjike dhe farmaceutike në këtë universitet.
Studimi është publikuar në revistën Plos One dhe tregon se si ekstrakti i nxjerrë nga bima Ruta graveolens L. ka aftësinë të përshpejtojë vdekjen e qelizave të dëmshme.
“Substancat natyrale janë burim i rëndësishëm i molekulave të reja me aktivitet terapeutik në shumë sëmundje, përfshirë edhe kancerin. Në veçanti, Ruta graveolens L. është një bimë shumë e shpërndarë në vendet e Mesdheut, Itali, Shqipëri, Greqi”,- ka shtuar mjeku./tesheshi.com/
