Ministrja e Drejtësisë, Etilda Gjonaj, në një komunikim me mediat, pas mbledhjes së qeverisë, tha se tashmë është dhënë dakordësia për logjistikën që lidhet me zbatimin e reformës në Drejtësi.
Gjonaj theksoi se qeveria konfirmoi edhe një herë angazhimin e saj për mbështetjen për zbatimin e reformës në drejtësi, pasi në mbledhjen e parë vendosi për vënien në dispozicion të mjediseve të punës Komisionit të pavarur të kualifikimit dhe për OMN.
“Sot qeveria miratoi një tjetër vendim të rëndësishëm, atë për vënien në dispozicion të ambienteve për kolegjin e posaçëm të apelimit, duke mundësuar ofrimin e kushteve logjistike dhe infrastrukturore për funksionim e tij. Me këto dy vendime qeveria i jep mbështetje të plotë institucioneve të vettingut.
Njëkohësisht qeveria është angazhuar të mbështeten financiare për strukturat e vettingut. Në përfundim të procesit, anëtarët e vetingut janë gati të nisin procesin që përfshin vlerësimin e gjyqtarëve dhe prokurorëve”, u shpreh Gjonaj. /tesheshi.com/
