Një fëmijë është gjetur në autobusin maqedonas që u dogj në Bullgari gjatë një riekzaminimi, raportojnë mediat bullgare, duke qartësuar një nga misteret e post-tragjedisë.
Këtë informacion e kanë konfirmuar zëvendësprokurori i Bullgarisë dhe shefi i Shërbimit Hetimor Kombëtar, Borislav Sarafov dhe zëdhënësja e Prokurorit të Shtetit, Sijka Mileva, shkruan 072.info.
“Fatkeqësisht, misteri është zgjidhur dhe nuk ka asnjë të mbijetuar tjetër. U gjet trupi i 45-të. Gjatë hetimeve u gjetën eshtrat e një fëmije. Atë natë tragjike në orën 21:15 (e hënë), në pikën kufitare ‘Kapitan Andreevo’ kanë hyrë 52 pasagjerë. 45 trupa u gjetën në autobus dhe shtatë persona u plagosën në spitalin e Pirogovos”, tha Mileva për Televizionin Bullgar Nova (nova.bg).
Ajo tha në një konferencë për shtyp dje në mëngjes se hetuesit gjetën 44 trupa në autobusin, i cili u dogj në autostradën afër Sofjes, dhe se një nga pasagjerët e shpëtuar pretendon se tetë pasagjerë janë shpëtuar nga automjeti që digjej. “Mbetet një mister i madh se ku është personi i tetë”, tha Mileva në atë kohë.
Autobusi i “Besa Trans” të Shkupit morri flakë të martën herët në mëngjes në autostradën afër Sofjes, gjatë kthimit nga Stambolli nga një turne turistik, së bashku me tre autobusë të tjerë të asaj kompanie.
Sipas rezultateve të para të hetimeve, shkak i aksidentit me shumë gjasa është gabimi njerëzor, ndërsa nga rezultatet e autopsisë rezulton se viktimat janë mbytur dhe nuk kanë vdekur nga përplasja apo lëndimet nga shpërthimi. Në mesin e 45 viktimave në aksidentin e autobusit turistik maqedonas, të gjithë shqiptarë, janë edhe 12 fëmijë. /tesheshi.com/
