Një ngjarje e rëndë, si të qe një luftë, ka ndodhur mbrëmjen e kësaj të premteje në Kosovë. Në Gllogjan të Deçanit, nga të shtënat me armë drejt një autobusi me nxënës, ka humbur jetën shoferi dhe, akoma më e dhimbshme, dy nga nxënësit, Ledion Hamzaj dhe Gentiana Mustafaj.
Students ki!!ed in #Kosovo bus shooting
3 people, including at least one teenage student, were ki!!ed in the breakaway Serbian province of Kosovo Friday when one, or several gunmen, opened fire on a bus.
More details awaited
Viewers Discretion adviced pic.twitter.com/OChREdldI7
— Cyber_Viperr (@Cyber_viperr) November 26, 2021
Autori thuhet se ka qenë një person i maskuar.
Edhe zv/drejtori i Policisë Rajonale të Pejës, Veton Elshani, tha se dyshimet e para bazuar në hetime, tregojnë se sulmuesi i autobusit mund të ketë qenë i vetëm e ndërsa përjashtoi mundësinë e ndonjë akti terrorist.
“Nuk mendohet e as bëhet fjalë për ndonjë akt terrorist. Nuk ka aso lajme që mund të qarkullojnë. Bëhet fjalë për ngjarjen tronditëse, vrasje të trefishtë dhe një të plagosur në gjendje stabile në spital.
Kemi angazhuar të gjitha njësitet elite, njësiti me qen, specialët dhe shumë shpejt bashkohet edhe Prishtina, që nga Drejtori i Përgjithshëm. Kaq mund të them”, tha Elshani.
Kryeprokurori i Prokurorisë Speciale, Blerim Isufaj, tha po hetohet në disa pista.
“Deri tash informatat që ne posedojmë janë tri viktima. Është shoferi i një autobusi dhe dy nxënës. Një është i plagosur. Ka pista të ndryshme të hetimit. Për momentin nuk kemi motiv të caktuar dhe nuk kemi më shumë informata.
“Nuk mundem me thënë tash për numrin e personave të dyshuar, veçse jemi duke punuar në drejtim të identifikimit të kryrësve të mundshëm të këtij rasti tepër tragjik. Është shumë herët me fol diçka për këtë sepse nuk dëshirojmë të spekulojmë por jemi duke punuar në këtë drejtim“, theksoi ai.
I pari që ka reaguar ka qenë ish-kryeministri Haradinaj, që shkroi: “I trishtuar nga sulmi kriminal që ndodhi në Gllogjan, ku humbën jetën tre persona, prej të cilëve dy nxënës. Bashkëndjejmë me familjarët e të vrarëve, duke u lutur për durim dhe forcë, në këto momente të rënda për të gjithë ne. Falënderoj kryetarin Bashkim Ramosaj, Policinë, Prokurorinë dhe ekipet mjekësore emergjente për punën e tyre. Apeloj që organet e rendit sa më parë, të zbulojnë e të kapin autorin e këtij veprimi të ulët kriminal dhe i njëjti të sjellet para drejtësisë”.
Pas tij reagoi kryeministri Kurti dhe presidentja Osmani:
“Sonte u tronditëm nga lajmi për sulmin me armë zjarri ndaj autobusit me nxënës në Gllogjan të Deçanit. Sipas Policisë së Kosovës nga ky sulm kanë mbetur të vrarë tre qytetarë të vendit tonë, prej të cilëve dy nxënës.
Në emrin tim dhe në emër të Qeverisë së Republikës së Kosovës, u shpreh ngushëllimet më të sinqerta familjeve, shokëve e shoqeve, që humbën më të dashurit në këtë sulm. Të plagosurit i dëshirojmë shërim të shpejtë.
Policia është mobilizuar me kapacitetet e saj të plota për ta hetuar këtë krim të rëndë, e për të mundësuar drejtësi”, shkroi Kurti.
“Tronditës lajmi për aktin kriminal në Gllogjan, në të cilin sipas të dhënave aktuale kanë humbur jetën 3 persona dhe ka mbetur një i plagosur.
Ju shpreh ngushëllime të sinqerta familjeve të të vrarëve dhe uroj shërim të shpejtë për të lënduarin.
Ftoj organet e rendit që sa më parë t`i zbulojnë autorët e krimit dhe t`i sjellin para drejtësisë.
Sulmi ndaj autobusit me nxënës është goditje ndaj rendit e sigurisë sonë. Siguria e qytetarëve është prioritet, ndaj nuk do të zmbrapsemi në përmbushjen e këtij misioni”, shkroi Osmani. /tesheshi.com/
