Ambasadorja e re e SHBA në Tiranë, Yuri Kim, realizoi takimin e parë me kreun demokrat Basha, ku sipas selisë së diplomacisë amerikane në Rrugën e Elbasanit, mesazhi, siç mund të përkthehet nga një deklaratë, ka qenë ai i kthimit në sistemi.
“Gjatë takimit të saj sot me Kryetarin e Partisë Demokratike Lulzim Basha, Ambasadorja Kim nxiti të gjitha palët të qëndrojnë në tryezë dhe të përfundojnë një kod zgjedhor. Ambasadorja gjithashtu konfirmoi mbështetjen e Shteteve të Bashkuara për institucionet dhe praktikat demokratike në Shqipëri.” thuhet në njoftimin e Ambasadës së SHBA.
Nga ana tjetër, Basha premtoi se qëllimi i forcës që ai drejton është zgjidhja e krizës.
E urova Ambasadoren Kim për detyrën e re dhe e sigurova atë për bashkëpunim të plotë të opozitës në përmbushjen e të gjithë angazhimeve të vendit tonë me SHBA. Ndava me të pikëpamjet për zhvillimet e fundit në Shqipëri dhe e garantova për angazhimin e plotë dhe serioz të PD në zbatimin e reformave dhe zgjidhjen e krizës politike”, shkroi Basha”. /tesheshi.com/
