Në një mesazh të fundit, ambasadorja amerikane Yuri Kim kujtoi se SHBA dhe BE janë pas Reformës në Drejtësi, e për këtë arsye duan që ajo të ketë sukses, e bashkë me të dhe Shqipëria.
“SHBA dhe BE janë të bashkuara në mbështetjen tonë për Shqipërinë në BE. Në asnjë moment SHBA nuk ka bërë thirrje për ‘mbylljen e syve’ ndaj mangësive; përkundrazi, ne i kemi theksuar ata dhe kemi ofruar mbështetjen tonë për përparimin.
Kjo është arsyeja pse Flamuri i Shteteve të Bashkuara – së bashku me BE – përqendrohet aq shumë në Reformën në Drejtësi, duke përfshirë nevojën që Gjykata Kushtetuese të jetë funksionale deri më 31 dhjetor. Shikoni faktet”, shkruan Kim në Twitter.
Siç mund të shihet, në fund të mesazhit të saj, gruaja që përfaqëson Uashingtonin në Tiranë kërkon që Kushtetuesja të jetë e formuar deri në orën 00 të datës 31 dhjetor. /tesheshi.com/
