Pas urdhëresës së Gjykatës Themelore në Prishtinë për arrestimin dhe paraburgimin e tre deputetëve të Vetëvendosjes, Albin Kurti, Albulena Haxhiu dhe Donika Kadaj-Bujupi, kryevetëvendosësi Visar Ymeri ka shtruar një varg pyetjesh në drejtim të kryeministrit Haradinaj me të cilin hodhën gaz lotsjellës më 2016-tën kundër qeverisë “Mustafa”.
“Po Kryeministri? Ku është strukur? Pse nuk flet? Çka mendon sot? A kishim gabuar që u angazhuam bashkë në protestë? A është sot kundër protestës së përbashkët dje? A mendon sot se Zajednica e Marrëveshja për demarkacion është dashur të kalojnë? A është kapur edhe ai? Apo vetëm ia kanë lidhur gojën”, ka deklaruar Ymeri.
Ai më tej se politikisht dhe në aspektin kushtetues protesta opozitare pjesë e së cilës ishte edhe Haradinaj u dëshmua e drejtë dhe e domosdoshme, pasi duke e ndalur “Zajednicën” e shpëtuam rendin kushtetues të Republikës dhe u ruajt integriteti territorial duke pamundësuar ratifikimin e Demarkacionit me Malin e Zi. /tesheshi.com/
