Nënkryetari i Kuvendit të Kosovës, dhe njëri ndër njerëzit më me ndikim, Xhavit Haliti ka akuzuar deputetët që votuan kundër Gjykatës Speciale, se ata këtë e bën për interesa të tyre personale. Haliti në një shkrim autorial ndër të tjera thekson se “deputetët e Kuvendit të Kosovës që nuk votuan apo votuan kundër, i bënë më shumë hyzmet reputacionit të tyre personal e partiak, sesa të sotmes dhe ardhmërisë së shtetit tonë”.
Ai po ashtu thotë se pikërisht votimi kundër i Gjykatës Speciale dhe ngërçi gjashtë mujor politik, ka bërë që Kosova të humb interesimin tek ndërkombëtarët.
Më tej ai thekson që Kosova të jetë edhe më tutje në vëmendjen e demokracive euro-atlantike duhet që të jetë e kujdesshme dhe politikisht e pjekur.
“Mendoj se arsyeja e shfaqjes së një rënieje të interesimit të aleatëve tanë nuk është thjesht dhe vetëm reagim ndaj veprimeve tona. Rënia e interesimit ndaj Kosovës nuk përkon rastësisht në kohë me problemin Ukrainë, Krime apo së fundmi me atë grek. Kosova në qendër të vëmendjes së perëndimorëve për më se 15 vjet, nuk mund të jetë më e tillë. Ne, që sa kemi hyrë në një raport të ndërsjellë me demokracitë e mëdha botërore, duhet të tregohemi politikisht më të kujdesshëm dhe më mirëkuptues ndaj tyre”, ka theksuar Haliti në këtë shkrim./tesheshi.com/
