Kreu i Rendit, Fatmir Xhafaj ka përcjellë një mesazh në rrjete sociale, që ngjan me një kërshillëk që ai i bën opozitës.
I shënjestruar si “kokë droge”, në të njëjtij status me paraardhësin Saimir Tahiri, Xhafaj është shprehur nga Gjermania, aty ku opozita pretendon se qeverisë Rama po i tregohet vendi me mos’hapje negociatash, sipas saj prej Xhafajt e Tahirit.
“Bashkë me drejtues të lartë të PSH në vizitë zyrtare në Gjermani. Mirënjohje dhe falënderim për mbështetjen e plotë dhe të drejtpërdrejtë që partnerët gjermanë i japin Policisë në luftën kundër krimit. Rikonfirmim i dyanshëm i angazhimit për thellim të bashkëpunimit, tani dhe në të ardhmen
Sapo përfundova një takim shumë miqësor dhe produktiv me Ministrin e Brendshëm Federal, z.Seehofer. Gjermania mbështet integrimin e Shqipërisë në BE. Dritë jeshile për hapjen e negociatave. Seehofer në gjurmët e paraardhësit të tij F.J.Strauss. Mirënjohje pafund Gjermanisë mike!”, ka shkruar ministri Xhafaj në Tweeter. /tesheshi.com/
