Skuadra e londineze e West Ham United po kalon një formë të çuditshme këtë sezon, pasi rezultatet e saj janë mjaft interesante. Skaudra e drejtuar nga trajneri kroat Slaven Bilic, ka arritur të triumfojë ndaj bigëve të ligës, ndërkohë është dorëzuar ndaj skuadrave të më të vogla.
Sezoni nisi në mënyrën më të mirë për West Ham-in, pasi në udhëtim mposhti skuadrën e Arsenalit në Emirates (2-0), ndërkohë dy ndeshjet e rradhës në Upton Park u gjunjëzua nga Leicester City dhe Bournemouth.
Por, forma e dobët do përfundonte që nga ndeshja me Liverpool-in në udhëtim, me ç’rast londinezët triumfojnë bindshëm (3-0). Fatin e njejtë do e përjetonte edhe Manchester City, që mposhtet nga West Ham në shtëpi (2-1).
Surpriza do e priste edhe skuadrën e Chelsea-s, që u dorëzua sikurse gjithë bigët e tjerë para “çekanëve”. 2-1, ishte rezultati i ndeshjes dhe kështu West Ham u konsiderua si një “arrë” e fortë për skuadrat e mëdha të ligës, por nuk mund të thuhet e njëjta gjë edhe për skuadrat e rangut më të ulët.
Watford e konfirmoi një gjë të tillë së fundmni meqenëse e mposhti në shtëpi, (2-0).
Kështu, West Ham United po konsiderohet si një “Robin Hood” të Premier Ligës, meqenëse po merr pikë nga skuadrat e mëdha dhe po u jep atyre të voglave. /tesheshi.com/
