Kryeministri serb, Aleksandar Vuçiç pritet të vizitojë shpejt Preshevën, për të biseduar edhe me shqiptarët. Sipas axhendës së publikuar nga mediat, ai pritet të inagurojë maternitetin në Preshevë, një traditë e hershme kjo e liderëve serbë kur kanë vizituar enklavat serbe në Kosovë e që po përsëritet edhe me Preshevën.
Materniteti i Preshëvës, ose mungesa e tij është diskutuar gjatë dhe për të kanë dhënë fonde Shqipëria dhe Kosova, pas takimit të dy qeverive në Prizren.
Vuçiç do të takojë në qytetin e Bujanocit liderët lokalë serbë.
Ai pritet të takohet edhe me kryetarin e Bashkisë së Preshevës, Ragmi Mustafa, në hapjen e maternitetit.
Kjo është hera e parë që një zyrtar i lartë serb viziton shqiptarët e kësaj zone. Presidenti serb, Tomisllav Nikoliç e ka vizituar dy herë Preshevën, por nuk ka takuar shqiptarët. /tesheshi/
