Kryeministri i Serbisë, Aleksandër Vuçiç, ka hedhur bombën mbi ngjarjet në Kumanovë, ku në një intervistë për televizionin B92 thekson se shërbimet sekrete serbe kanë qenë të rëndësishme për operacionin e policisë maqedonase në Kumanovë ku u vranë 10 shqiptarë, shtetas të Kosovës.
Në këtë intervistë. Vuçic flet për dronin, vizitën e tij në Shqipëri, problemin me BE dhe marrëdhëniet me Rusinë e SHBA…
Kur kanë mbetur pak ditë nga vizita e tij në Tiranë, e para e një kryeministri serb në Shqipëri, Aleksandër Vuçiç nuk i hiqet mendja nga mbrëmja e 14 tetorit në Beograd gjatë ndeshjes Serbi-Shqipëri.
I pyetur nga B92 për marrëdhëniet me Shqipërinë, ai tha se duhet të bëhet kujdes pasi shqiptarët janë një popull në zgjerim. Mergjithatë Vuçiç nënvizoi se marrëdhëniet Serbi-Shqipëri janë të mira.
Ndërsa lidhur me dronin dhe flamurin e Shqipërisë së Madhe, kryeministri serb u shpreh se ai dhe Rama e dinë se kush e hodhi.
Shqipëria dhe shqiptarët janë një ‘popull në zgjerim’ dhe ne duhet të kemi kujdes me ta, të kemi marrëdhënie të mira. Ne e dimë dhe autoritetet e dinë se çfarë ndodhi, ishte pa dyshim e organizuar politikisht. Të dy, Edi Rama dhe unë, e dimë kush e bëri”. tha Vuçiç.
Vuçiç tha se autoritetet serbe kanë bërë “numrin më të vogël të lajthitjeve në deklaratat politike në rajon”, duke shtuar ndërkaq se ka pasur disa të tilla dhe vazhdoi: “Serbia është më e dashura në popullatën maqedoase sidomos pas ngjarjeve të fundit. Ata na shohin se ne nuk kemi bërë asgjë për të trazuar vendin e tyre. Gjithashtu ne e duam Republika Serbska por respektojmë Bosnjë-Hercegovinën”.
I pyetur në lidhje me heshtjen ndaj deklaratave të Kroacisë për reabilitimin e një krimineli të Luftës së Dytë Botërore nga gjykatat serbe, kryeministri Vuçiç tha: “Unë nuk mund të pranoj atë që endon zonja Pusiç(Vesna) për reabilitimin e Drazha Mihailoviçit, unë ju them se nuk mund të flasim për këtë gjë”.
Duke komentuar në lidhje me çështjen e Vojislav Seselj ai tha se qeveria nuk ka marrë kërkesë për rikthimin në burgim të ish-shefit të tij.
“Ne nuk kemi marrë një kërkesë zyrtare por do të pyesim ata nuk kërkojnë ndonjë garanci të veçantë, përveç marrjes së pasaportës së tij. Ne do ta shohim më vëmendje këtë çështje pa rrezikuar të ardhmen e Serbisë në BE. Do tu shpjegojmë atë sa i sëmurë është Sheshejl, nëse është vërtetë i tillë”, tha Vuçiç.
I gjendur vazhdimisht nën sulmin e skifterëve brenda partisë së tij, kreu i Partisë Progresive të Serbisë tha se po shikon që të gjejë një pasues të denjë për kreun e partisë dhe theksoi se nuk dëshiron të rrijë gjatë në drejtim.
Ndërkaq, Vuçic theksoi se Serbia nuk do të ndryshojë qëndrimin në lidhje me Rusinë. “Ne nuk do të imponojmë sanksionet ndaj Rusisë. Ne duam marrëdhënie më të mira me SHBA, por ka pengesa siç është çështja e vëllezërve Bytyçi, ndaj të cilët ne reaguam shumë keq. SHBA është e rëndësishme për të ardhmen europiane të Serbisë sepse ne kemi kontribuar për paqen në rajon. Ne kemi qenë aktorë gjatë ngjarjeve në Maqedoni, shërbimet tona janë pyetur për Kumanovën”, tha ai.
/tesheshi.com/
