Ndërsa Thaçi shprehet me optimizëm mbi një marrëveshje të pritshme mes Kosovës e Serbisë, madje duke shprehur bindjen se ajo do mund të arrihet brenda këtij viti, homologu i tij Vuçiç shfaq të kundërtën, një lloj pesimizmi me fatalitet brenda, duke deklaruar se “marrëveshja është varrosur”.
Duke u dhënë shenjtëri qasjeve të tij për një marrëveshje, e njëherësh duke fajësuar “të tjetët” si penguestë saj, Vuçiç ka deklaruar së fundi “të gjithë, në rajon, në Serbi, Evropë dhe në të gjithë botën, po varrosin çdo shans për ndonjë marrëveshje midis Beogradit dhe Prishtinës”.
Sipas tij, “Serbia ka provuar gjithçka për të arritur një kompromis mbi Kosovën”.
Në një deklaratë për Blic të Beogradit, Vuçiç theksoi se Serbia “tregoi vullnet të mirë”.
“Është e rëndësishme që Serbia ka treguar se ajo është e gatshme për të biseduar, se është e gatshme për kompromis, por ne nuk do të pranojmë se nuk do të marrë ndonjë gjë. Mua më duket se të gjithë në rajon, si dhe njerëzit në Serbi, Evrope dhe botë, po varrosin çdo shans për ndonjë marrëveshje”, tha Vuçiç.
Ky qëndrimi i tij vjen pak ditë para samitit të Berlinit iniciuar nga dyshja Merkel – Macron, ku përflitet se do i kërkohet njohja pa kushte e Kosovës. /tesheshi.com/
