Presidenti serb Aleksandar Vuçiç, pas një takimi me Beograd me kreun e ri të diplomacisë europiane Joseph Borrell, tha se nuk e sheh si të mundur arritjen e një zgjidhjeje kompromisi midis Beogradit dhe Prishtinës tani për tani.
Vuçiç shtoi se përkundër kësaj, ai nuk do të heqë dorë nga lufta për atë zgjidhje dhe është i gatshëm të marrë pjesë në proces.
Sipas B92, Vuçiç i ka përmendur zyrtarit të lartë europian shanset e humbura dhe çfarë mund të bëhej, përfshirë propozimet për të arritur një zgjidhje kompromisi.
Nga ana tjetër, ai i është ankuar për qasjen ndërkombëtare deri dje nga Beogradit, përfshirë dhe mbështetjen ndaj pavarësisë së Kosovës.
“Nuk ka asnjë që në atë kohë nuk ka shqiptuar neveritë më të këqija për mua dhe Serbinë, madje edhe për shqiptarët. Paralajmëruam për hapjen e ‘Kutisë së Pandorës’ dhe për zbatimin e një zgjidhjeje tjetër. Kur pyes se pse e hapën këtë kuti me njohjen e pavarësisë së Kosovës në 2008 dhe bombardimin e vitit 1999, nuk marrë përgjigj”, tha ai.
Vuçiç tha se serbët duhet të mësohen me faktin se kombet e tjera i konsiderojnë ata si humbës dhe dikush që duhet të paguajë një çmim të lartë për vitet 1990, në mënyrë që të bëhen pjesë e botës së civilizuar.
“Është në interesin tonë ta pranojmë kompromisin”, tha Vuçiç.
Ai përsëriti që Serbia kishte shumë viktima në luftërat e shekullit të 20-të dhe se është me interes të madh për të ruajtur paqen.
“Kjo është në fund të fundit. Përparimi ekonomik nuk mund të arrihet pa paqe dhe stabilite”, tha ai. /tesheshi.com/
