Presidentët e Serbisë dhe Kroacisë kanë deklaruar sot në Zagreb se nuk kanë biseduar për të shkuarën në mënyrë që të krijojnë mundësinë e një paqeje që do të zgjasë.
Vuçiç ka nisur një vizitë zyrtare në Kroaci, ku u takua me Presidenten Kolinda Grabar Kiitaroviç.
“Detyra jonë si president është të zgjidhim problemet pa u marrë me shkaqet dhe dertet e së kaluarës”, tha Kitaroviç.
Vuçiç ka deklaruar se vizita e tij ishte e vështirë në një ambient shumë të tendosur, por ka falenderuar homologen për ftesën.
“Ishte jo shumë e lehtë për mua të vijë në Kroaci në një atmosferë kur shumë vetë me cilësojnë si djall. Por unë erdha vetëm falë kërkesës së vazhdueshme dhe insistimit të presidents Kitaroviç”, tha Vuçiç.
Presidenti serb ka sjellë si model marrëdhëniet e Norvegjisë dhe Suedisë për të ardhmen e relacioneve serbo-kroate.
Dy vendet kanë problem të thella dhe konflikte për kufirin mes tyre. Vuçiç tha se vullneti është për ta zgjidhur por shtoi se ka mjaft diferenca.
Presidenti serb u takua edhe me Kardinalin Josip Bozaniç, të cilin Kisha Ortodokse e cilëson si një bashkëpunëtor të nazistëve. Sipas medias kroate ky është një “kalim i vijës së kuqe”.
Vizita e Vuçiç në Kroaci është një tjetër shenjë e rolit të SHBA-së dhe Gjermanisë për t’u dhënë fund konflikteve në Ballkan.
Kroacia dhe Serbia kanë shumë problem të mëdha mes tyre, duke nisur nga të zhdukurit e luftrave, kufijtë, por edhe problemet e pronave. /tesheshi.com/
