Menjëherë sapo ka arritur në Moskë, ku pritet të takohet me kreun e Kremlinit Vladimir Putin, presidenti serb Aleksandër Vuçiç ka dekoruar ish-diplomatin e njohur rus Vitali Çurkin, i cili ndërroi jetë pak kohë më parë.
Çurkin, si ish-ambasador i Rusisë në OKB ka luftuar fuqishëm për të ndaluar që Kosova të depërtojë në suazat e Organizatës së Kombeve të Bashkuara. Çurkin ka mbrojtur fort çështjen serbe në Këshillin e Sigurimit, por edhe në të gjitha institucionet e tjera të organizatës.
Vuçiç i dorëzoi bashkëshortes së diplomatit të ndjerë, Irina Çurkin, “Urdhërin e Flamurit të Serbisë të Klasit të Parë”.
Ceremonia u zhvillua në ambasadën serbe në Moskë, ku Vuçic tha se “Vitali Çurkin ka lënë një shenjë të rëndësishme të diplomacisë ruse në botë. Populli serb do ta kujtojë Çurkinin që luftoi për drejtësi për Kosovën dhe Bosnjë-Hercegovinën”.
Çurkin arriti të ndalojë një rezolutë në OKB që e cilësonte masakrën e Srebrenicës si “gjenocid”. Sipas diplomatit rus, ajo masakër që shkaktoi 8 mijë të vrarë nuk ishte gjendocid.
Dhe pikërisht kjo ka qenë arsyeja e dekorimit nga Beogradi dhe këtë Vuçiç e shpalli publikisht.
Sot Putin pritet të takohet me Putin në Kremlin për të përfunduar marrëveshjen e furnizimit me një sasi armësh të fundit për Beogradin, ku përfshihen 6 B92, një seri baterish raketore dhe qindra mjete të rëndë të blinduara ushtarakë. /tesheshi.com/
