Presidenti serb Aleksandar Vuçiç përsëriti se dialog me Kosovën nuk do të ketë derisa Prishtina të tërheqë taksat doganore mbi mallrat nga Serbia dhe Bosnja.
“Ata gjithmonë kanë thënë se janë për paqen dhe dialogun, por me masat e marra e kanë përkeqësuar situatën. Thaçi dhe Haradinaj punojnë së bashku”, tha Vuçiç, referuar dyshes udhëheqëse të Kosovës.
Vuçiç shtoi se, pavarësisht nga lëvizjet e anës tjetër, Serbia do të ruajë paqen, por gjithashtu se askush nuk do të bië në gjunjë.
Presidenti serb gjithashtu shton se askush nuk mund ta detyrojë atë të flasë me Hashim Thaçin derisa Prishtina të tërheqë masat.
“Nuk ka fuqi të tillë në botë dhe njeri në botë që të më diktojë mua për të folur për asgjë, derisa akuzat nuk janë tërhequr, edhe nëse Trump më thërret personalisht”, tha presidenti Vuçiç, referuar letrës që ka marrë nga presidenti amerikan. /tesheshi.com/
