Të gjithë ata që vuajnë nga migrena e dinë mirë se cila është bezdia që kjo sëmundje shkakton, mes së cilave një dhimbje e fortë që të duket sikur të merren mendtë dhe të vjen për të vjellë. Bëhet fjalë për një gjendje të zakontë që prek përgjithësisht femrat (një në 5), ndërsa meshkujt pak më rrallë (një në 15). Më poshtë po paraqesim se cilët janë faktorët kryesorë që shkaktojnë këtë dhimbje të fortë.
Pikë së pari është alkooli. Sipas shkencëtarëve, një prej pjeve që shkakton më së shumti dhimbje koke, është vera e kuqe, e cila nga shumë persona konsumohet pasivisht. Ndër të tjera, alkooli i shkakton trupit probleme edhe me organet e brendshme, përfshirë edhe trurin, i cili pasi ‘dhunohet’ nga alkooli shfaq dhimbjen e kokës.
Edhe djathi mund të jetë një ushqim me të cilin duhet të bëni kujdes dhe të mundoheni ta evitoni. Problemi me ta i dedikohet disa substancave të quajtura tiramina, të cilat integrohen me neuronet transmetuese të pranishme në organizëm dhe që ndikojnë në shfaqjen e migrenës.
Një tjetër shkaktar është edhe aspartami, një ‘vrasës’ mes ngjyruesve të shumtë artificialë, të cilët fatkeqësisht ndodhen në pjesën më të madhe të ushqimeve që konsumojmë, duke nisur nga drithërat e deri tek pijet e ndryshme./tesheshi.com/
