Numri i grave të vrarw gjatë karantinës për shkak të virusit të koronës në Argjentinë ka arritur nivelin e tij më të lartë në 10 vjet, paralajmëroi grupi i të drejtave të njeriut, duke thënë se 50 gra u vranë në më pak se dy muaj, raporton Reuters.
Tre gra janë vrarë vetëm në katër ditët e fundit, sipas La Casa del Encuentro, një grup feminist me qendër në Buenos Aires, duke përmendur se shqetësimet po rriten jo vetëm për numrin, por edhe ashpërsinë e dhunës.
“Ne jemi shumë të shqetësuar. Kjo është shifra më e lartë në dhjetë vjet,” tha Ada Rico, drejtuese e grupit dhe drejtore e Projektit të Monitorimit të Dhunës ndaj Grave.
“Gratë janë rrahur për vdekje ose mbytur”, tha ajo.
Në Amerikën Latine, 12 gra vriten çdo ditë për shkak të gjinisë së tyre, njoftoi Kombet e Bashkuara.
Rajoni ka 14 nga 25 vendet me normat më të larta të femicideve në botë.
Shumica e vrasjeve bëhen të pandëshkuara.
Të dhënat në Argjentinë ndjekin një prirje botërore të rritjes së dhunës ndaj grave në karantinë.
Të paktën 49 gra u vranë midis 20 marsit dhe 14 majit, tha grupi, duke shtuar se kjo ishte një rritje e një të tretë në krahasim me 2018.
Në të njëjtën kohë, thirrjet për viktima të dhunës në familje u rritën për dy të tretat në prill.
Sekretari i Përgjithshëm i KB, Antonio Guterres u ka bërë thirrje qeverive të ndërmarrin veprime urgjente për të trajtuar “rritjen e kërkuar globale” të dhunës në familje, duke theksuar se shumë gra janë më të rrezikuara në shtëpitë e tyre. /tesheshi.com/
