Kolegë të gjyqtares kanë shprehur revoltën e tyre me mosfunksionimin e sistemit të drejtësisë në vend, ku nga moszbatimet e urdhër mbrojtëseve sot u vra një gjyqtare.
Avokati i njohur Sajmir Vishaj shpreh ngushëllimet nëpërmjet një statusi në facebook, ku dënon ashpër veprimin e ish-bashkëshorti të Fildes Hafizit, i cili vrau gjyqtaren.
“Lamtumirë gjyqtares Fildes Hafizi e vrarë para pak çastesh në Tiranë. Një gjyqtare e re, por me shumë ambicie profesionale. Burra leshi që venë dorë mbi femrat”, shkruan ai.
Një reagim gjithashtu ka bërë edhe juristi Jordan Daci.
“Protestë njerëzore për vrasjen makabre të koleges Fildes Hafizi, një gjyqtare dhe padagoge e zonja, si dhe një nënë shembullore! U prefsh në paqe Fildes! U beftë drejtësi për ty në këtë botë dhe në atë botë ku sapo shkele! Sot jemi me ty të gjithe!”, shkruan ai. /tesheshi.com/
