Atentati ndaj ambasadorit rus në Ankara, ngjarje e ndodhur dy javë më parë, vijion të të shoqërohet dhe nga pikëpyetje me natyrë konspirative. Që në fillim u tha se atentatori, Mevlut Mert Altintas ishte pjesë e strukturave gyleniste të organizatës FETO. Në fakt, edhe pse thirrjet e tij pas plumbave të lëshuara ndaj ambasadorit Karlov ishin në duke “të përligjura” nga Siria, për çka dhe Altinitas e motivoi vrasjen, pamja e tij, por dhe thirrjet “Allahu Ekber” nuk shkonin me llojin e vrasjes. Në rrjete sociale, shpërthyen argumentat fetare islame që e ndalonin rreptësisht vrasjen e ambasadorit.
Dhe së fundi, disa media turke kanë publikuar një tjetër të dhënë, atë që atentatori mund të ketë patur lidhje me CIA-n.
Ja si shkruhet në faqen e TRT-së: Jeromi Corsi, pjesëtar i ekipit të afërt të Presidentit të ri të Shteteve të Bashkuara të Amerikës, Donald Trump, që do të marrë nga Obama detyrën zyrtarisht më 20 janar 2017, ka deklaruar se anëtari i organizatës terroriste guleniste (FETO), Mevlut Mert Altintas, vrasësi i ambasadorit të Rusisë në Ankara, Andrey Karlov, ka qenë pranë një zyre të CIA-s në qytetin irakian të Erbilit pikërisht ditën e 15 korrikut, kur në Turqi u ndërmor tentativa për grusht shteti.
Sipas Corsit, cituar nga e përditshmja turke “Star”, mbështetja dhe mbrojtja e kreut të FETO-s nga Clinton dhe Obama është një realitet i njohur gjerësisht. Po aq e qartë është edhe lidhja financiare ndërmjet Clinton dhe FETO-s. Administrata Obama mbështet terrorizmin dhe nuk ekstradon në Turqi kryeterrorist Gulen.
Jeromi Corsi është i mendimit se Trump nuk do të veprojë si Obama në lidhje me FETO-n, por do të shfaqë një qëndrim më të pajtueshëm dhe më të ngrohtë ndaj Turqisë.
Ndërsa politikisht, si Moska dhe Ankaraja e kanë konsideruar vrasjen e ambasadorit si një kurth për të dëmtuar raportet e përmisuara mes dy vendeve. /tesheshi.com/
