Eshtë shfaqur në qendrën e votimit përkatëse edhe ish-kryeministri e kryesocialisti Fatos Nano, i cili është rreshtuar haptazi krah pasaradhësit të tij Edi Rama.
Ai dha një deklaratë për gazetarët, krejt në llojin e tij, duke thënë:
“Unë besoj se duhet të jetë një ditë si të gjithë të tjerat, shpresoj që të mos jetë më e gjatë dhe të mos jetë më e gjatë ajo pritja, se në fund një pjesë do gëzohet një do të mërzitet.
Por jam i sigurt që ata që do gëzohen do gëzohen për të gjithë dhe uroj që ata që do mërziten të mërziten vetëm për veten.
Pjesëmarrja ishte pak e ulët ndaj erdha vetë, që ta nxis”, tha Nano.
Kohët e fundit, Nano ka pështjelluar jo pak politikën e ditës, pasi duke u rreshtuar krah Ramës, ka sulmuar ashpër dyshen Meta-Berisha. /tesheshi.com/
