Pas votimit “pro” anëtarësimit të Kosovës në UNESCO, presidenti i Maqedonisë, Gjorgje Ivanov ka shkarkuar nga detyra ambasadorin e Maqedonisë në Francë, njëherësh edhe përfaqësues në misionin e UNECKO-s, Agron Buxhaku.
Edhe pse mandati i Buxhakut si ambasador përfundon më 4 dhjetor të këtij, gazeta KOHA merr vesh se dekreti i shkarkimit të tij nga posti i ambasadorit ka ardhur pas votimit “pro”, si dhe fjalimit të tij në mbështetje të Kosovës në Këshillin Ekzekutiv të UNESCO-s, ditë më parë.
Buxhaku si ambasador në Francë është emëruar në vitin 2009, ndërkaq më parë ka qenë ministër i Lidhjeve dhe Transportit. Tashmë nuk dihet se cila do të jetë vota e Maqedonisë në nëntor të këtij viti, kur Këshilli i Përgjithshëm i UNESCO-s do të duhet të vendos për anëtarësimin ose jo të Kosovës në këtë mision ndërkombëtar shumë të rëndësishëm. /tesheshi.com/
