Zëdhënësja e qeverisë Elisa Spiropali, përshëndeti votimin e dy emrave të rinj për Gjykatën e re Kushtetuese ardhur nga Këshilli i Emërimeve në Drejtësi, duke e vlerësuar atë si një akt epokal, referuar dhe faktit të 105 votave që ato morrën.
“Votimi nga Kuvendi me 105 vota i dy anëtarëve të Gjykatës Kushtetuese, tregoi jo vetëm vendosmërinë tonë për të qendruar në koherencë me atë çka duan qytetarët e çka Shqipërisë i duhet prej vitesh, por dëshmoi qartazi ndarjen njëherë e mirë nga modeli i kalbur që përpiqet të bllokojë gjithçka që nuk e kontrollon dot”, shkroi Spiropali, duke theksuar se “Gjykata Kushtetuese së shpejti do të jetë funksionale dhe do të reflektojë më së miri aurën e një sistemi të ri Drejtësie”.
Ajo potencoi dhe faktin se votimi i dy emrave morri dhe mbështetje të fortë ndërkombëtare.
“Falenderim i veçantë edhe për partnerët tanë historik, SHBA-BE për mbështetjen e jashtëzakonshme që i kanë dhënë jetësimit të kësaj superstrukture të drejtësisë së re” shkroi zëri femëror i qeverisë.
Ndërkohë, opozita po e konsideron si “pucc kushtetues”, votimin e Elsa Toskës dhe Fiona Papajorgjit si anëtaret e reja të Gjykatës Kushtetuese. /tesheshi.com/
