Me dhjetëra mijë indonezianë u mblodhën në Xhakarta për të apeluar qytetarët të votojnë për kandidatin musliman në zgjedhjet për guvernatorin e ri të kryeqytetit.
Kandidati rival, aktualisht në detyrë, Basuki Tjahaja Purnama, i njohur me emrin Ahok, është një kinez etnik i krishterë që ndodhet në proces gjyqësor për shkak të akuzave se ka fyer Islamin.
Fushata kundër tij është drejtuar nga aktivistë muslimanë të linjës së ashpër, e kjo ka rritur frikën se në qytet mund të shtohen problemet e intolerancës fetare. Kjo edhe pasi Purnama, edhe pse në gjyq, pritet që të fitojë zgjedhjet.
Turmat u mblodhën për faljen e madhe rreth xhamisë Istiqlal, të shtunën, duke apeluar njerëzit të hedhin votën e tyre për liderët muslimane.
Mbështetës të disa grupeve islamike mbanin postera me mesazhe të tilla si: “Do preferoja një lider musliman” dhe “Eshtë e ndaluar të zgjedhësh një lider të pabesë”.
Këto veprime pasojnë protesta të mëdha kundër guvernatorit aktual në muajin dhjetor, dhe një marshimi që u shndërrua në tubim të dhunshëm nëntorin e kaluar, duke lënë edhe një të vdekur e dhjetëra policë e demostrues të plagosur.
Purnama u bë guvernatori i parë jomusliman i Xhakartës në 50 vjetët e fundit dhe i pari kinez etnik që mban postin që kur pasoi Joko Widodo – tani presidenti i vendit- në vitin 2014./tesheshi.com/
