Pas vjedhjes së një banke të nivelit të dytë në qytetin e Shijakut, ngjarje e ndodhur më 12 qershor, policia ka vënë sot në pranga 2 autorët e grabitjes.
Të arrestuarit janë 29-vjeçari Ervin Varaka, banues në Shijak si dhe 44-vjeçari Jonni (Gentjan) Doda, banues në Elbasan.
Policia bën me dije se u sekuestruan në cilësinë e provës materiale një armë zjarri automatik model 56, automjeti tip Fiat me targa E 6519 KB, motori tip Scuter, një shumë parash rreth 130 000 lekë të vjetra.
Jonni (Gentjan) Doda është në hetim nga autoritetet greke për të njëjtën vepër penale. Dy grabitësit më 12 qershor morën nga banka 100 000 lekë të reja, nën kërcënimin e armës.
Materialet në lidhje me këtë çështje i kaluan Prokurorisë së Rrethit Gjyqësor Durrës për veprime të mëtejshme për veprat penale “Vjedhja bankave dhe arkave të kursimit” dhe “Armëmbajtje pa leje” në bashkëpunim./tesheshi.com/
Ka edhe kështu: Grabit me armë një bankë në Shijak, autori largohet në këmbë
