Vetëm dy ditë nga nënshkrimi i marrëveshjes për fqinjësi të mirë ndërmjet dy kryeministrave të Maqedonisë dhe Bullgarisë, Zoran Zaev dhe Boyko Borisov, VMRO-DPMNE kërkon nga LSDM të tërhiqet dhe ta shfuqizojë këtë marrëveshje.
Sipas kësaj partie, Pakti me Bullgarinë është i dëmshëm, nuk i respekton interesat e popullit maqedonas dhe të Maqedonisë dhe për këtë arsye thonë se nuk i kanë dhënë mbështetje.
“Marrëveshja me Bullgarinë duhet të jetë ekuivalente në të drejtat dhe detyrimet, në të cilën do të respektohen interesat nacionale dhe shtetërore të Maqedonisë”, thuhet mes tjerash në kumtesën e VMRO-së.
Duke e cilësuar si kundër nacionale, të paaftë dhe marionetë, VMRO-DPMNE thekson se Qeveria ka akoma mundësi që të tërhiqet nga marrëveshja. /tesheshi.com/
