Forcat ushtarake serbe kanë zhvilluar një manovër të përbashkët me trupat ruse dhe bjelloruse në Krasnodar të Rusisë, manovër e cila është emërtuar “Vllazëria Sllave”.
Pra një emërtim i pastër politik që nuk ka asnjë aspekt thjesht ushtarak, apo për çështje të ndërhyrjes humanitare, siç përdoren rëndom forcat ushtarake sot.
Vendimi për këtë manovër është marrë nga presidenti rus Putin dhe në këtë stërvitje janë përdorur trupa të pastra sulmuese madje edhe destantë me parashutë, të cilat janë forca të ndërhyrjes së shpejtë. Avionët dhe helikopterët e përdorur në stërvitjen ushtarake, ishin të tipit sulmues, gjuajtës dhe bombardues, ku nuk mungonin lëndët luftarake djegëse.
Në këtë manovër janë përdorur avionët Mi-8, Mi-24 dhe Mi-26, si dhe helikopterë sulmues antitank dhe anti-artileri.
Zv.komandanti i forcave ajrore të Rusisë gjeneralmajor, Vladimir Koçetkov, ka theksuar se me pjesëmarrjen e forcave ajrore të Rusisë, Bjellorusisë dhe Serbisë në bazën ushtarake Rayevskiy në rajonin Krasnodar, kanë kryer një stërvitje të përbashkët të emëruar “Vëllazëria Sllave”.
Koçetkov, ka pohuar gjithashtu se stërvitja do të vazhdojë deri me 5 shtator. Qëllimi i stërvitjes, ku kanë marrë pjesë afërsisht 700 ushtarë dhe mbi 1000 mijë mjete ushtarake nga 3 shtete, është kryerja e operacioneve speciale me grupet e përbashkëta të krijuara. Gjithashtu në stërvitje janë vënë në prove aftësitë për eliminimin e qendrave të organizatave të jashtëligjshme.
Sipas planit të Ministrisë së Mbrojtjes së Rusisë, theksohet se, Rusia në vitin 2015, duke përfshirë edhe stërvitjet e përbashkëta me vendet e tjera do të kryejë mbi 4 mijë trajnime. /tesheshi.com/
